Ավինյանը վախեցավ լրագրողական համայնքի համախմբումից. կգնանք դատարան ու կապացուցենք. Սաթիկ Սեյրանյան
«Համախմբումը՝ որպես հայկական օրակարգ» թեմայով քննարկման ժամանակ Ժուռնալիստների միության նախագահ Սաթիկ Սեյրանյանը պատասխանեց հարցին՝ արդյո՞ք համախմբված է լրագրողական համայնքը:
Ի պատասխան՝ Սաթիկ Սեյրանյանը նկատեց, որ թեև իշխանությունների ձեռամբ պառակտվել է նաև լրագրողական դաշտը, այդուհանդերձ, համայնքը հիմնականում համերաշխ է:
«Համախմբում կա: Նույնիսկ իշխանական լրատվամիջոցների ներկայացուցիչները, թեկուզ իրենց հանրային դրսևորումներում չի երևում, որ կողքիդ կանգնած են, բայց իրենց հարաբերություններով, աշխատանքով դա կա,- մանրամասնեց նա, և որպես համախմբման օրինակ՝ նա նշեց «Ավինյանն՝ ընդդեմ Դավիթ Սարգսյանի և 168 Ժամի» հայցին հաջորդած արձագանքները,- Ինձ չի վախեցնում հայցերի քանակը. մենք ունենք պրոֆեսիոնալ փաստաբաններ, զբաղվում են այդ գործով, բայց իրենք իսկապես վախեցան այդ համախմբումից»:
Մանրամասները՝ տեսանյութում
