Հրաձգություն Գերմանիայի Mercedes Benz-ի գործարանում. կա զոհ և վիրավոր
Գերմանիայի Զինդելֆինգեն քաղաքի Mercedes Benz ավտոմեքենաների գործարանում հրաձգություն է տեղի ունեցել, որի հետևանքով 1 մարդ է մահացել, ևս 1-ը՝ վիրավորվել: Այս մասին հաղորդում է Reuters գործակալությունը:
Ըստ ոստիկանության հաղորդագրության՝ գործարանի աշխատողներին այլևս վտանգ չի սպառնում: Միջադեպի առնչությամբ 1 մարդ ձերբակալվել է: Գործարանում, որտեղ հավաքվում է S-Class մոդելը, աշխատում են փրկարարները:
Mercedes ընկերությունը հաստատել է, որ գործարանում նման միջադեպ է տեղի ունեցել, և որ իրենք կապի մեջ են իշխանությունների հետ, սակայն այլ մանրամասներ չեն տրամադրվել:
