Սուդանի բանակը և հատուկջոկատայինները համաձայնել են մեկշաբաթյա հրադադարի
Սուդանի բանակն ու արագ արձագանքման ուժերը (հատուկջոկատայիններ) համաձայնություն են տվել երկրում մեկ շաբաթով հրադադարի ռեժիմի հաստատմանը՝ սկսած մայիսի 4-ից:
Այս մասին հայտնում է ՏԱՍՍ-ը՝ վկայակոչելով Հարավային Սուդանի արտաքին գործերի նախարարությունը։
«Սուդանի բանակի հրամանատար Աբդել Ֆաթահ ալ Բուրհանը և հատուկ նշանակության ուժերի ղեկավար Մուհամեդ Համդան Դագալոն սկզբունքորեն հավանություն են տվել 7-օրյա հրադադարին, որը պետք է ուժի մեջ մտնի մայիսի 4-ին», – ասված է Հարավային Սուդանի ԱԳՆ հայտարարության մեջ:
