Դանիայի ՊՆ-ն հայտնել Է Ուկրաինային 260 մլն դոլարի ռազմական օգնության փաթեթ տրամադրելու մասին
Դանիայի խորհրդարանը որոշում է կայացրել Ուկրաինա ուղարկել հակամարտության սկզբից ի վեր ռազմական օգնության ամենամեծ փաթեթը: Այս մասին հայտնում է Gazeta կայքը՝ վկայակոչելով երկրի պաշտպանության նախարարության հաղորդագրությունը:
Նշվում է, որ երկիրը Կիևին մոտ 260 մլն դոլարի ռազմական տեխնիկա կփոխանցի: Ուկրաինա կժամանեն ՀՕՊ համակարգեր, ռազմական տեխնիկայի քարշակներ, ռազմական կամուրջներ, ականազերծման սարքավորումներ և զինամթերք:
