Գրոսին ՄԱԳԱՏԷ-ի պատվիրակության հետ մեկնել է Զապորոժիեի ԱԷԿ
Ատոմային էներգիայի միջազգային գործակալության (ՄԱԳԱՏԷ) պատվիրակությունը՝ գլխավոր տնօրեն Ռաֆայել Գրոսիի գլխավորությամբ, անցել է Զապորոժիեի մարզի Վասիլևկա քաղաքի մոտ գտնվող ռուսական հսկիչ անցակետով՝ Կիևից Զապորոժիեի ատոմակայան տանող ճանապարհին:
Հաղորդվում է, որ պատվիրակությունը «Տիգր» զրահամեքենաներով անցել Է ռուսաստանցի ուժայինների, ռազմական ոստիկանության ուղեկցությամբ։ Զապորոժիեի ԱԷԿ այցելելու իր պլանների մասին Գրոսսին հայտարարել էր մարտի 25-ին։
Ավելի ուշ «ՌոսԷներգոատոմ» կոնցեռնի գլխավոր տնօրենի խորհրդական Ռենատ Կարչաան ТАСС-ին հայտնել էր, որ այցը կկայանա մարտի 29-ին, և դրա հետ մեկտեղ տեղի կունենա ՄԱԳԱՏԷ-ի տեսուչների հերթական ռոտացիան, որը վերջին անգամ հետաձգվել էր գրեթե մեկ ամսով: Գրոսին հայտարարել է, որ ցանկանում է անձամբ ստուգել, թե ինչպես է իրավիճակը փոխվել 2022 թվականի սեպտեմբերի 1-ին կայան կատարած իր նախորդ այցից հետո:
Մարտի 27-ին ՄԱԳԱՏԷ-ի ղեկավարն այցելել էր Դնեպրի հիդրոէլեկտրակայան, որտեղ հանդիպել էր Ուկրաինայի նախագահ Վլադիմիր Զելենսկիի հետ։ Մարտի 22-ին Գրոսին հայտարարել Էր, որ Զապորոժիեի ատոմակայանի շուրջն ապառազմականացված գոտու ստեղծումն այլևս չի քննարկվում, խոսքն ատոմակայանի շրջանում ռազմական գործողությունների դադարեցման մասին է:
