Իրանն արձագանքել է Բրիտանիայի և Իսրայելի մեղադրանքներին. ԻԻՀ-ն տարածաշրջանում կայունության խարիսխն է
Իրանի ԱԳՆ-ն արձագանքել է Իսրայելի և Մեծ Բրիտանիայի վարչապետների հայտարարություններին, որոնք ավելի վաղ Իսլամական Հանրապետությանը մեղադրել էին Մերձավոր Արևելքում ապակայունացնող դերի մեջ։ Իրանի արտգործնախարարության պաշտոնական ներկայացուցիչ Նասեր Քանաանին հայտարարել է, որ Իրանը տարածաշրջանում կայունության խարիսխ է, և խաղաղ զարգացմանն ուղղված նրա ջանքերը խաթարելը բնորոշ է սիոնիստներին և բրիտանացիներին։
Նա ընդգծել է՝ Իրանը վերահաստատում է իր հարևանների հետ հարաբերությունների հետագա ամրապնդման կարևորությունը և տարածաշրջանի երկրների համար ընդհանուր անվտանգության ապահովման անհրաժեշտությունը։
