Տիգրան Մարկոսյանը մասնակցել է «Ասիայի տնտեսության զարգացմանը միտված մրցակցության քաղաքականության մշակումը» խորագրով միջոցառմանը
Մրցակցության պաշտպանության հանձնաժողովի անդամ Տիգրան Մարկոսյանը և իրավաբանական վարչության պետ Անահիտ Սանթրոսյանը Մանիլայում մասնակցել են Ասիական զարգացման բանկի և Ասիական զարգացման բանկի ինստիտուտի կողմից կազմակերպված «Ասիայի տնտեսության զարգացմանը միտված մրցակցության քաղաքականության մշակումը» խորագրով միջոցառմանը։
Ինչպես հայտնեցին Մրցակցության պաշտպանության հանձնաժողովից, Տիգրան Մարկոսյանը հանդես է եկել ելույթով, որի շրջանակում անդրադարձել է «Մրցակցության քաղաքականության տարածումը և համապատասխանեցումը Ասիայում» թեմային:
Տիգրան Մարկոսյանը հանդիպումներ է ունեցել նաև Ասիական զարգացման բանկի ներկայացուցիչների հետ և քննարկել համագործակցության հետագա ուղղությունները։
