Գունավոր աղցան՝ տավարի մսով

Բաղադրիչներ

Տավարի միս – 300 գ

Բուլղարական պղպեղներ՝ տարբեր գույների – 180 գ

Թթու վարունգ – 150 գ

Սոխ – 1 հատ

Խնձոր – 1 հատ

Բուսայուղ – 3 ճ/գ

Կիտրոնի հյութ – 1 ճ/գ

Մայոնեզ – 40 գ

Մաղադանոս

Աղ, սև պղպեղ

Պատրաստման եղանակը

Միսը երկարավուն կտրատել և բուսայուղի մեջ տապակել մինչև ոսկե դարչնագույնը դառնալը։ Այն պետք է լավ եփվի։ Ավելացնել խորանարդաձև կտրատած սոխը և տապակել 20-30 րոպե: Ավելացնել աղը, սև աղացած պղպեղը։

Պղպեղներից հեռացնել ցողունն ու սերմերը և կտրատել բարակ երկարավուն շերտերով:

Մարինացված վարունգը նույնպես կտրատել բարակ շերտերով։

Խնձորի վրայից հեռացնել կեղևն ու սերմերը, կտրատել այնպես, ինչպես բանջարեղենը։ Խնձորը լցնել հարմար տարայի մեջ, վրան ավելացնել կիտրոնի հյութ և խառնել, որպեսզի գույնը չփոխի։ Ցանկալի է քաղցր-թթու խնձոր վերցնել։ Խնձորի համը աղցանին յուրահատուկ համ կհաղորդի։

Միավորել տապակած տավարի միսը, կտրատած բանջարեղենը և խնձորը․ ավելացնել մայոնեզ և խառնել։

Աղցանը կարող եք զարդարել ցանկացած կանաչիով և մատուցել՝ վրան քունջութի սերմեր լցնելով։