Գիտնականները ցույց են տվել, թե ինչ տեսք ունեն Ալպերը տիեզերքից` Եվրոպայի անոմալ շոգից հետո
Եվրոպական տիեզերական գործակալության գիտնականները հրապարակել են արբանյակային լուսանկարներ, որոնք ցույց են տալիս, որ մի քանի ալպիական հանգստավայրեր մնացել են առանց ձյան 2023 թվականի հունվարին։ Այս մասին հաղորդվում է գործակալության կայքում։
Եվրոպայում 2023 թվականը սկսվեց անոմալ բարձր ջերմաստիճանով։ Ալպերում և Պիրենեյների մի քանի լեռնադահուկային հանգստավայրերում գրեթե ձյուն չկա:
Copernicus Sentinel-2 սարքից արված 2023 թվականի հունվարին արված լուսանկարները ցույց են տալիս, որ Շվեյցարիայի Ֆլիմս, Լաաքս և Ֆալերա հանգստավայրերում ձյուն չկա։ Տարբերությունը հատկապես նկատելի է անցյալ տարվա լուսանկարի հետ համեմատելիս։
Դահուկային սպորտով զբաղվողներն այժմ ստիպված են հույսը դնել արհեստական ձյան վրա։ Արհեստական լեռնադահուկային վազքուղիները 2023 թվականի նկարում կարող են դիտվել որպես բարակ սպիտակ շերտեր: Համաշխարհային օդերևութաբանական կազմակերպության տվյալներով՝ հարավարևմտյան քամին հյուսիսարևմտյան Աֆրիկայից տաք օդ է բերել միջին լայնություններ։ Սա Նոր տարվա առաջին օրերին ռեկորդային ջերմային ալիք է առաջացրել, եվրոպական շատ երկրներում ջերմաստիճանը բարձրացել է 20°C-ից:
