Գիտնականները նշել են գործոն, որը կարող է սրել կանանց ցածր ինքնագնահատականը
Բրիստոլի համալսարանի գիտնականները պարզել են, որ մարմնի քաշից դժգոհություն ունեցող կանայք ավելի ուշադիր են նայում նիհար կանանց նկարներին: Հետազոտությունը, shantnews-ի փոխանցմամբ, հրապարակված է Body Image ամսագրում:
Գիտնականները գնահատել են 34 հետազոտության արդյունքները, որոնց մասնակցել է գրեթե երեք հազար կին։ Փորձերի ժամանակ հետևել են կանանց աչքերի շարժումներին: Համատեղելով այս ուսումնասիրությունների արդյունքները՝ գիտնականները պարզել են, որ մարմնի բարձր անբավարարվածություն ունեցող կանայք ավելի հաճախ և ավելի երկար են իրենց հայացքն ուղղում նիհար կանանց պատկերներին:
Ինչպես պարզաբանել են հեղինակները, մարմնի դժգոհությունը սննդային խանգարումների ռիսկի գործոն է: Կանայք, ովքեր դժգոհ են իրենց մարմնից, կարող են սրել այն՝ ավելի շատ ժամանակ հատկացնելով ավելի նիհար կանանց:
Գիտնականները կարծում են, որ իրենց բացահայտումները կարող են կիրառվել ուտելու խանգարումների կանխարգելման և բուժման համար, օրինակ՝ համակարգչային աջակցությամբ ուսուցման միջոցով, որը կանանց կսովորեցնի ավելի քիչ ժամանակ հատկացնել նիհար մարդկանց նայելու և նրանց հետ համեմատելու համար:
