Ֆինանսական փորձագետը նշել է փողը ներդնելու եղանակներ, որպեսզի այն աշխատի և չարժեզրկվի
Գնաճը ցանկացած տնտեսության անբաժանելի մասն է, և, հետևաբար, ձեր փողի արժեզրկումն անխուսափելի է։ Ռուսաստանի ֆինանսների նախարարության NIFI-ի Ֆինանսական գրագիտության կենտրոնի փորձագետ Օլգա Դաինկոն Prime գործակալությանը պատմել է, թե ինչպես պաշտպանել խնայողությունները:
Ըստ նրա՝ գնաճի «հարվածի» տակ առաջին հերթին «ներքնակի տակ» փողերն են ընկնում, քանի որ դրանք մյուսներից ավելի արագ կարժեզրկվեն և նույնիսկ չեն կարողանա նվազագույն եկամուտ բերել ներդրումներից։ Այս մասին գրում է shantnews-ը։
Այդ իսկ պատճառով, շարունակել է նա, փողը գնաճից պաշտպանելու ամենահայտնի և մատչելի միջոցը բանկային ավանդի մեջ դնելն է։ Առավել իրատեսական է շահույթ ստանալը, եթե ընտրում եք կապիտալիզացիայով ավանդ, երբ ավանդին ավելանում են կուտակված տոկոսները։
Ֆինանսիստը հիշեցրել է նաև ավանդական ներդրման կայուն օբյեկտը՝ անշարժ գույքը։ Նրա կարծիքով, գնված գույքը հանդես է գալիս որպես երկարաժամկետ ներդրում, ներառյալ տարածքի վարձակալության միջոցով պասիվ եկամուտ ստանալու հնարավորությունը։ Դուք կարող եք նաև դիտարկել անհատական ներդրումային հաշիվներ, պարտատոմսեր և ավանդական ոսկի և արծաթ:
