«Նոր Արեշ» պոլիկլինիկա»-ն կմիանա «Գրիգոր Նարեկացի» բժշկական կենտրոնին. օպտիմալացում կլինի
Քաղաքապետի տեղակալ Գևորգ Սիմոնյանն ավագանու նիստի ժամանակ ներկայացրեց «Նոր Արեշ» պոլիկլինիկա» փակ բաժնետիրական ընկերությունը «Գրիգոր Նարեկացի» բժշկական կենտրոն փակ բաժնետիրական ընկերությանը միացնելու հարցը:
Նա նշեց, որ շենքը ստեղծված օրվանից չի վերանորոգվել, հիմնանորոգման, սեյսմիկ ամրացման անհրաժեշտություն կա:
Անդրադառնալով շենքի ճակատագրին, բուժանձնակազմի ապագային՝ Գևորգ Սիմոնյանն ասաց. «Բուժանձնակազմի ապագան շատ լուսավոր է լինելու: Տեղափոխվելու են նոր, արժանի պայմաններ:
Օպտիմալացում կլինի միայն ադմինիստրատիվի մասով: Իսկ շենքի ճակատագիրն ավագանին է որոշելու, ոչ թե ես: Ծառայությունը 500 մետր այն կողմ է տեղափոխվելու՝ ավելի ժամանակակից կենտրոն»:
