Վրաստանը զբոսաշրջությունից ռեկորդային եկամուտ է ստացել
Վրաստանի զբոսաշրջության ազգային գործակալության փոխանցմամբ, 2022 թվականի հունվար-հոկտեմբեր ամիսներին Վրաստանը զբոսաշրջությունից ստացել է 2,9 միլիարդ դոլարի եկամուտ։ Այս մասին գրում է aliq.ge-ն։
Գործակալության տվյալներով, 2022 թվականի հունվար-հոկտեմբեր ամիսներին զբոսաշրջությունից ստացված եկամուտը համավարակից հետո առաջին անգամ գերազանցել է 2019 թվականի ցուցանիշը, և գրանցվել է ռեկորդային ցուցանիշ՝ 2 մլրդ 854 մլն 529.093 դոլար։
2021 թվականի հունվար-հոկտեմբեր ամիսների համեմատ զբոսաշրջությունից ստացած եկամուտներն աճել են 183.2 տոկոսով:
