Փարիզի օդանավակայանում մահացել է «Տերմինալ» ֆիլմում Թոմ Հենքսի մարմնավորած հերոսի նախատիպը
Փարիզի Շառլ դը Գոլ օդանավակայանում մահացել է իրանցի փախստական Մերան Քարիմի Նասերին, ով ոգեշնչել է ռեժիսոր Սթիվեն Սփիլբերգին՝ ստեղծելու «Տերմինալ» ֆիլմը, հայտնում է Le Monde-ը։
Գործակալության աղբյուրը հայտնել է, որ Քարիմի Նասերին մահացել է կեսօրին՝ օդանավակայանի 2F տերմինալում, որտեղ նա ապրում էր վերջին մի քանի շաբաթների ընթացքում։
Ի տարբերություն ֆիլմի հերոսի՝ Քարիմի Նասերին ուներ փախստականի կարգավիճակ՝ կացության թույլտվությամբ եւ կարող էր ապահով կերպով լքել օդանավակայանը։ Բացի այդ, ի տարբերություն ֆիլմի հերոս Վիկտոր Նավորսկու, նրան գումար են տրամադրել, քանի որ ֆիլմի թողարկումից հետո հոնորարներ է ստացել։ Սակայն նա վատնել է այդ գումարը եւ վերադարձել օդանավակայան։ Հրապարակման համաձայն՝ նրա մոտ հայտնաբերվել է մի քանի հազար եվրո։
