Իտալիայի նոր կառավարությունը երդմամբ ստանձնել է պարտականությունները
Իտալիայի նոր կառավարությունը՝ «Իտալիայի եղբայրներ» կուսակցության առաջնորդ Ջորջիա Մելոնիի գլխավորությամբ, հոկտեմբերի 22-ին նախագահ Սերջիո Մատարելլայի ներկայությամբ Քվիրինալ պալատում հավատարմության երդում է տվել Հանրապետությանը:
Այս մասին հայտնել է RaiNews24 հեռուստաալիքը:
Նախարարներն ու վարչապետը երդվել են ծառայել Իտալիայի բարօրությանը և ստորագրել են համապատասխան երդումը։ Կառավարությունը երդում տալու պահից համարվում է գործող:
«Երդվում եմ հավատարիմ մնալ Հանրապետությանը, ենթարկվել Սահմանադրությանն ու օրենքներին և կատարել իմ պարտականությունները՝ բացառապես ժողովրդի շահերից ելնելով»,- ասված է երդման տեքստում։
