ՌԴ-ն մշտապես ուշադրության կենտրոնում է պահում տարածաշրջանում իրավիճակի կարգավորման հարցերը. Պուտինը հանդիպել է Ալիևին
Ռուսաստանի Դաշնության նախագահ Վլադիմիր Պուտինը Ադրբեջանի նախագահ Իլհամ Ալիևի հետ հանդիպմանն ընդգծել է, որ ՌԴ-ն մշտապես ուշադրության կենտրոնում է պահում տարածաշրջանում իրավիճակի կարգավորմանը վերաբերող հարցերը: Այս մասին հայտնում է ՌԴ նախագահի պաշտոնական կայքը:
«Բնականաբար, մենք մշտապես ուշադրության կենտրոնում ենք պահում տարածաշրջանում իրավիճակի կարգավորմանը վերաբերող հարցերը: Հուսով եմ, որ մենք կօգտագործենք այս հնարավորությունը ևս՝ կրկին քննարկելու այս բոլոր հարցերը»,-ասել է ՌԴ նախագահը:
Պուտինն ու Ալիևը հանդիպել են Ղազախստանում Ասիայում փոխգործակցության և վստահության միջոցների ամրապնդման համաժողովի շրջանակում:
