Վրաստանում ՀՀ դեսպանը հանդիպել է Վրաստանի տարածքային զարգացման նախարարին

Վրաստանում ՀՀ դեսպան Աշոտ Սմբատյանը հանդիպում է ունեցել Վրաստանի տարածքային զարգացման և ենթակառուցվածքների նախարար Իրակլի Կարսելաձեի հետ, հայտնում է Վրաստանում ՀՀ դեսպանատունը։

Հանդիպմանը կարևորվել է երկու երկրների համապատասխան նախարարությունների միջև սերտ կապերի պահպանումը, ինչպես նաև Հայաստան-Վրաստան ենթակառուցվածքային ցանցի շարունակական ընդլայնումը։ Այս մասին տեղեկացնում է aliq.ge-ն։

Տեղեկության համաձայն, կողմերը քննարկել են նաև Հայաստանի և Վրաստանի տեղական ինքնակառավարման մարմինների միջև համագործակցության զարգացման հնարավորությունները։

Վրաստանում ՀՀ դեսպանը ներկայացրել է Ադրբեջանի կողմից Հայաստանի ինքնիշխան տարածքի նկատմամբ լայնածավալ ագրեսիայի հետևանքով ստեղծված իրավիճակը։