«Այս պահին հրադադար է, բայց մենք շարունակում ենք թշնամուն դիրքեր հանձնե՞լ». Կարեն Վրթանեսյան
Տեղեկատվական անվտանգության փորձագետ Կարեն Վրթանեսյանը ֆեյսբուքյան իր էջում գրել է․ «2 հայ զինվորականին շրջափակումից դուրս բերելու մասին լուրի տակ բոլոր լրատվամիջոցների էջերում սպասելի ու հասկանալի ցնծություն է։
Բայց այստեղ հարց է առաջանում. «շրջափակումից դուրս են բերել», նշանակում է, որ 9 օր դիրքը պահել են շրջապատված լինելով, այնուհետև ինչ-որ բանակցությունների արդյունքում ադրբեջանցիները հնարավորություն են տվել, որ իրենք դիրքից դուրս գան։
Այսինքն եզրակացնում ենք, որ այդ մի դիրքն էլ է հանձնվել թշնամուն։
Այսինքն այս պահին հրադադար է, բայց մենք շարունակում ենք թշնամուն դիրքեր հանձնե՞լ։ Ոչ թե մեր դիրքը շրջապատած ադրբեջանցին է նահանջում, այլ մեր զինվորին են շրջապատումից դուրս բերում, թողնելով դիրքը ադրբեջանցիներին։
Սխա՞լ եմ հասկացել»։
