«Սա նոր պատերազմի հիմք է». ադրբեջանագետ Գառնիկ Դավթյան
Ադրբեջանագետ Գառնիկ Դավթյանը տելեգրամի իր էջում գրում է․ «Ադրբեջանի Կասպիան ռազմական գիտահետազոտական ինստիտուտը քարտեզ է հրապարակել, որտեղ ցույց է տվել վերջին օրերին Ադրբեջակի ԶՈՒ-ի կողմից օկուպացրած նոր տարածքերը և այդ տարածքներից դիտարկելիության աստիճանը:
2-րդ դեղին գիծը ՀՀ-ի սուվերեն տարածքի ներսում, այն հատվածն է, որքան առաջացել են:
Մանուշակագույն գիծը այն ՀՀ-ի խորքում ընկած հեռավորությունն է, որը նոր գրաված դիրքրից դիտարկելիության նոր հնարավորություն է տվել ադրբեջանական ԶՈՒ-ին:
Վերլուծության մեջ գրված է, որ օկուպացրած նոր տարածքների առնվազն 50%-ը ֆիզիկական վերահսկողության գոտի է, այսինքն՝ այդ տարածքներում կանգնած են ադրբեջանական զինվորներ։ Մնացած տարածքները պարզապես տեսողական հսկողության գոտի են…
Իսկ վերջում եզրակացության տեսքով նոր սպառնալիք է ներկայացվում Հայաստանին՝ նշելով, որ եթե հետագայում Երևանից կամ մեկ այլ քաղաքից զենք և զինտեխնիկա տեղափոխվի Սյունիք կամ Սևան, ապա Ադրբեջանը նախազգուշացում կուղարկի Հայաստանի ղեկավարությանը: Եվ եթե որևէ քայլ չձեռնարկվի, ապա այն որպես սպառնալիք կնկալվի՝ կչեզոքացվի:
Հ.Գ. Սա նոր պատերազմի հիմք է»:
