Խոզնավար գյուղում այս պահին էլ լսվում են կրակոցների ձայները, բնակիչները պատսպարվել են. News.am
Սյունիքի մարզի Խոզնավար գյուղում այս պահին էլ լսվում են կրակոցների ձայները, սակայն կրակոցները գյուղի ուղղությամբ չեն: Այս մասին news.am-ին հայտնեց Խոզնավար վարչական շրջանի նախկին ղեկավար Վարո Գրիգորյանը:
«Թշնամին կրակում է տարբեր զինատեսակներից, հրետանի է կիրառում, անօդաչուներ: Մեր գյուղի երկնքում էլ ենք տեսել ԱԹՍ-ներ: Այս պահին բնակիչները ապաստարաններում են, նկուղներում պատսպարված: Մեր գյուղի ուղղությամբ սնարյադ չի ընկել: Ասում են` խփել են Վերիշենին, տուն է վնասվել, Գորիսի Սդըղի գյոլի ուղղությամբ են խփել»,-ասաց նա:
ՀՀ ՊՆ-ից էլ հայտնում են, որ սեպտեմբերի 13-ին՝ ժամը 00:05-ից, Ադրբեջանի ԶՈՒ ստորաբաժանումները Գորիսի,Սոթքի և Ջերմուկի ուղղությամբ հրետանային միջոցներից, խոշոր տրամաչափի հրաձգային զինատեսակներից սկսել են ինտենսիվ կրակ վարել հայկական դիրքերի ուղղությամբ: Հակառակորդը կիրառում է նաեւ ԱԹՍ-ներ: ՊՆ-ն հայտնում է, որ հայկական կողմն ունի զոհեր եւ վիրավորներ:
