Սուրմալուի պայթյունի գործով «Երևանի պահածոների գործարան» ՓԲԸ-ի փոխտնօրենն ազատ է արձակվել
Օգոստոսի 14-ին Սուրմալու առևտրի կենտրոնում տեղի ունեցած հուժկու պայթյունի գործով մյուս 3 ձերբակալվածները կալանավորվել են։
Մեկին՝ «Սուրմալու» առևտրի կենտրոնը շահագործող «Երևանի պահածոների գործարան» ՓԲԸ-ի փոխտնօերնին կալանավորելու վերաբերյալ միջնորդությունը մերժվել է:
Այս մասին 168.am-ին ասացին Գլխավոր դատախազությունից։ Փոխտնօրենին, ում անունը իրավապահները չեն բացահայտում, մեղադրանք է առաջադրված առևտրի կենտրոնում հրդեհային անվտանգության կանոնները խախտելու համար, որն անզգուշությամբ առաջացրել է մարդու մահ կամ այլ ծանր հետևանք։
Կալանավորված մյուս երեք անձինք տնտեսվարողեր են, որոնց անունները ևս հայտնի չեն։ Հայտնի է, որ մեկը պահեստ շահագործող է։ Վերջիններս մեղադրվում են անզգուշությամբ երկու և ավելի անձանց կյանքից զրկելու մեջ:
Հիշեցնենք, որ Սուրմալու առևտրի կենտրոնում տեղի ունեցած հուժկու պայթյունի հետևանքով մահացավ 16 մարդ, ևս մեկը համարվում է անհետ կորած։
