Թուրքիայում նախագահական ընտրությունները կարող են նշանակված ժամկետից շուտ անցկացվել. ԶԼՄ-ներ
Թուրքիայի նախագահ Թայիփ Էրդողանը կարող է ընտրություններ անցկացնել նախատեսված ժամկետից շուտ՝ արդեն այս տարվա աշնանը, հայտնում է Welt am Sonntag-ի գերմանական հրատարակությունը, փոխանցում է «ՌԻԱ Նովոստի»-ն:
Թուրքիայում հաջորդ նախագահական և խորհրդարանական ընտրությունները նշանակված են 2023 թվականի հունիսի կեսերին։
«Կան մի քանի ցուցումներ, որ նախագահ Էրդողանը, ամենայն հավանականությամբ, կտեղափոխի ընտրություններն այս տարի, հնարավոր է՝ աշուն: Դա կարող է տեղի ունենալ համեմատաբար կարճ ժամկետում»,- գրում է հրատարակությունը՝ հղում անելով ԵՄ դիվանագետներին:
Հստակեցվում է, որ արտահերթ ընտրությունների ժամկետ նշանակելու պատճառներից մեկը կարող է լինել այն, որ այս ամառ զբոսաշրջությունից եկամուտներ ստանալուց հետո Թուրքիայի ճգնաժամային տնտեսությունը կարող է կարճաժամկետ վերականգնվել, ինչը կարող է բարելավել բնակչության տրամադրությունը։
