Ռուսաստանին մեկուսացնելը անհնար է. Սերգեյ Շոյգու
Ռուսաստանին մեկուսացնելը գործնականում անհնար է, հայտարարել է ՌԴ պաշտպանության նախարար Սերգեյ Շոյգուն։
««Ռուսաստանի մեկուսացման» մասին անընդհատ հնչող բարձրագոչ հայտարարությունները նույնպես առիթ են ցույց տալու, որ դա հեռու է իրականությունից: Ընդհանրապես, դրան հասնելը բավականին դժվար է, իսկ եթե խոսենք մեր երկրի մասին, դա գործնականում անհնար է: Որովհետև ամենամեծ միջուկային ուժով, տարածքով ամենամեծ երկիրն է՝ զարգացած գիտությամբ, բավականին զարգացած արդյունաբերությամբ, ռազմարդյունաբերական համալիրով»,- ասել է նա «Россия-24» հեռուստաալիքի եթերում։
Նախարարի խոսքով՝ «շատերը» հույս ունեին, որ հատուկ ռազմական գործողությունը ինչ-որ կերպ կազդեր ձեռնարկությունների, ընկերությունների քանակի վրա, որոնք մասնակցել են անցած շաբաթ տեղի ունեցած «Բանակ-2022» ֆորումին, ինչպես նաև պատվիրակությունների քանակի և ռուսական զենքի գնման ծավալների վրա:
«Ես ձեզ կասեմ, որ ընկերները մնացին ընկերներ: Նրանց վրա չի ազդել այս հզոր ճնշումը բոլոր կողմերից»,-ասել է Շոյգուն:
