«Ալենը, Լուլուն, թշերն ուռածը, թույնութարախ խմա՞ծն են որոշում ընդդիմության ճակատագիրը». Լիդա Առուշանյան

«Ալեն Սիմոնյանը, որի մայրը չի կարողացել օրորոցային երգել, նա է որոշում, թե Իշխան Սաղաթելյանը պետք է մնա, թե ոչ: Դու ո՞վ ես»,- այսօր լրագրողների հետ հանդիպմանն ասաց Արցախի հերոս Դավիթ Առուշանյանի մայրը՝ Լիդա Առուշանյանը:

Նա ընդգծեց. «Ընդդիմության ճակատագիրը պետք է որոշեն Ալենը, Լուլուն, թշերն ուռածը, Խաչատրյանը, մեկ էլ մի հատ ժանգոտ դեմքով Վիգեն Խաչատրյան կա, երևի ամեն առավոտ մի բաժակ թույնութարախ է խմում, գալիս՝ այնտեղ նստում, դեմքից երևում է: Այ ոչխարներ, թշնամի եք՝ գնացեք Բաքու, Թուրքիա»:

Լիդա Առուշանյանի խոսքով՝ պատերազմից երկու տարի անց գործող իշխանությունների առևտուրը թուրքերի հետ չի ավարտվել. «Թուրքը ճանապարհ է բացում, Արցախի նախագահն էլ ասում է, որ Բերձորը հանձնենք, մեր ճանապարհն ավելի անվտանգ կլինի: Բա Արցախից մինչև այստեղ բոլորը քաղաքներ ու գյուղեր են, ամբողջը հանձնեք, որ ճանապարհն ուղիղ գա՝ հասնի այստե՞ղ: Այ ստոր, այդ ինչե՞ր եք անում, Աստված է մեզ նվիրել մեր Արցախ աշխարհը: Դուք հանուն ոչնչի հանձնում եք Արցախը: Երկու տարի է անցել, այս ստորների առևտուրը չի վերջացել: Վայ, ձեր տունը քանդվի, դուք ձեր տներում չեք ապրելու, նկուղներում եք ապրելու, թուրքը վերևից դմփդմփացնելու է: Արցախի ժողովուրդ, էդ ի՞նչ բանի եք, այ քնած առյուծներ, այս գիժը ծախեց ու ծախեց»:

 

Տեսանյութեր

Լրահոս