Արգենտինայում հրդեհները ոչնչացրել են շուրջ 800.000 հեկտար բուսականություն
Արգենտինա Կորիենտես շրջանում հրդեհները ոչնչացրել են 785 հազար 238 հեկտար բուսականություն: Այս մասին հայտնում է ՏԱՍՍ-ը:
Հրդեհի օջախները սկսել էին ի հայտ գալ հունվարի կեսերին և կարճ ժամանակում կրակը տարածվել էր անտառներով մեկ: Clarin պարբերականի տվյալներով՝ հրդեհներից տուժել է շրջանի տարածքի 9 տոկոսը:
«Մենք նման բան դեռ չէինք տեսել: Այս պահին Կորիենտեսում այրվում են 30 հազար հեկտար անտառներ»,- ասել է նահանգապետ Գուստավո Վալդեսը:
