Ճանաչո՞ւմ եք ձեր վարչական շրջանի ղեկավարին․ հարցում
«Ճանաչո՞ւմ եք ձեր վարչական շրջանի ղեկավարին». սա մեկն է այն հարցերից, որոնք հեռախոսային հետազոտության եղանակով «GALLUP International Association»-ի Հայաստանում լիիրավ անդամ Էմ Փի ՋԻ ՍՊԸ աշխատակիցներն ուղղել են Երևան քաղաքի 800 հարցվողների:
«Պարզվեց, որ գրեթե բոլոր համայնքներում վարչական շրջանների ղեկավարների ճանաչելիությունը շատ ցածր է: Միայն Նուբարաշենում, երևի փոքր համայնք է, դրա համար, 25 տոկոսը նշել է, որ ճանաչում է: Եթե նայենք, օրինակ, Նոր Նորք կամ Կենտրոն համայնքներում 1.2 , 1.7 տոկոսն է միայն նշել, որ ճանաչում է»,- նկատեց «GALLUP International Association»-ի Հայաստանում լիիրավ անդամ Էմ Փի ՋԻ ՍՊԸ տնօրեն Արամ Նավասարդյանը:
168.am-ն ավելի վաղ տեղեկացրել էր՝ հարցումներն իրականացվել են 2021թ. հունվարի 24-ից փետրվարի 2-ն ընկած ժամանակահատվածում:
