Չինացի գիտնականները Լուսնի վրա ջուր են հայտնաբերել
Չինաստանից գիտնականները ջուր են գտել լուսնային հողի նմուշում, որը Երկիր է հասցվել 2020 թվականին ավտոմատ միջմոլորակային Chang’e-5 կայանի կողմից: Այս մասին գրում է Science Advances-ը։
«Մենք հրապարակում ենք արդյունքների վերլուծությունը՝ հիմնված 0.48-ից 3.2 մկմ արտացոլման սպեկտրների տվյալների վրա, որոնք ստացվել են Chang’e-5 վայրէջքի միջոցով: Մեր հաշվարկներով, լուսնային հողի նմուշը պարունակում է ջուր, մեծ մասամբ արևային քամու պատճառով»,- ասվում է գիտական նյութում։
Գիտնականները նշել են, որ հողը հավաքվել է Լուսնի վրա գտնվող «Փոթորիկների օվկիանոս» տարածքի հյուսիսային մասում։
Փոթորիկների օվկիանոսը ամենամեծ լուսնային ծովն է, որը գտնվում է Լուսնի տեսանելի կողմի արևմտյան մասում: Փոթորիկների օվկիանոսի երկարությունը հյուսիսից հարավ 2500 կմ է, իսկ զբաղեցրած տարածքը՝ 4 միլիոն կմ²։ Այն ունի անկանոն ձև։ Ինչպես մյուս լուսնային ծովերը, Փոթորիկների օվկիանոսը հարթավայր է, որը լցված է ամրացված բազալտային լավայով:
Պատրաստեց Անի Գաբուզյանը
