400 տարի առաջ գրված սամուրայական 17 կանոններ

17-րդ դարի հայտնի ճապոնացի սամուրայ Մուսասի Միյամոտոն մահվանից առաջ գրեց «Միայնակ գնացողի ճանապարհը» գիրքը, որում նկարագրել է իր կյանքի փիլիսոփայությունը:
lifedeeper.ru կայքն ընտրել է 17 առավել կարևոր մտքերը:

1. Սովորեք կյանքն ընդունել այնպիսին, ինչպիսին այն կա:

Այլապես դուք շարունակ սթրեսի մեջ կլինեք:

2. Մի ընկեք հաճույքների հետևից քաղցած գայլի պես անողոքաբար:

Հաճելի բաները լավն են, երբ ձեր կյանքում հայտնվում են անսպասելիորեն ու բնականոն կերպով:

Մեր ժամանակներում հաճույքների մեծ մասը մանր են, կարճաժամկետ ու անհասանելի, և դրա համար էլ չարժե, իմաստ չունի ընկնել դրանց հետևից: Ամենաարժեքավոր բաները ձեր կյանք են գալիս անսպասելիորեն:

3. Իմպուլսիվ մի եղեք:

Իսկապես, միգուցե լավ է սեփական բնազդներին հետևելը, սակայն ամեն դեպքում անհամեմատ լավ է, երբ հանգիստ ես գնահատում իրավիճակը, հաշվարկում բոլոր հնարավոր հետևանքները և այդ ժամանակ նոր որոշում կայացնում:

4. Դադարեք կենտրոնանալ միայն ինքներդ ձեզ վրա:

Մենք ապրում ենք մի ժամանակաշրջանում, երբ մարդիկ իրենց թանկարժեք ժամանակի զգալի հատվածը նվիրում են, ասենք, հաջող ինքնանկար անելուն, որ լիքը լայքեր հավաքեն: Մենք բոլորս ինչ-որ կատարելության հետևից ենք ընկած: Ո՞ւմ է դա պետք: Դադարեցրեք այդ անիմաստ զբաղմունքները ու ժամանակ հատկացրեք իրապես կարևոր բաներին:

5. Թույլ մի տվեք, որ խանդը կառավարի ձեր կյանքը:

Խանդը իր ցանկացած դրսևորմամբ կախվածություն է, իսկ դա էլ իր հերթին ստիպում է, որ մարդ օբյեկտիվ չդատի ու կայացնի սխալ որոշումներ:

6. Ձեզ սովորեցրեք ինչ-որ բան շատ ուժգին չցանկանալ:

Ցանկացած կապվածություն, ի վերջո, կարող է բերել կախվածության, և շատ արագ, իսկ դա ճիշտ չէ:

7. Մի զղջացեք որևէ բանի համար:

Երբ մի անգամ հասկանաք, որ արվածն արդեն չես փոխի, արդեն չեք զղջա դրա համար: Դա մեզ խանգարում է նկատել և օգտագործել նոր հնարավորությունները:

8. Մի կենտրոնացեք բաժանումների պատճառով ձեր զգացմունքների վրա:

Հիշեք՝ մեր կյանքում ամեն բան, ինչ լինում է, լավ է: Եվ ևս մեկ բան. ժամանակը բուժում է և շատ արդյունավետորեն:

9. Ձեզ մի համեմատեք ոչ մեկի հետ:

Դրա փոխարեն մտածեք՝ ինչի եք հաջողել հասնել, թեպետ մեծագույն դժվարությամբ: Կամ համարեք, որ հաղթել եք, կամ աշխատեք հաղթանակի ուղղությամբ:

10. Թույլ մի տվեք, որ կրքերն ու բնազդները կառավարեն ձեզ:

Մարդը սեքսուալ հաճույքներ սիրող էակ է, բայց թույլ մի տվեք, որ դրանք ձեզ կառավարեն:

11. Միշտ բաց եղեք:

Խելամիտ չէ թաքնվել և փախչել հնարավորություններից, որոնք, ըստ ձեզ, ձեզ պետք չեն: Միշտ բաց եղեք նոր բաների համար, և այդ ժամանակ կյանքն ավելի հետաքրքիր կդառնա:

12. Մի եղեք ձեր շրջապատի ստրուկը: