«Հրաչյա Սարգսյանին տեսնելիս միշտ ասելու եմ՝ բարև ձեզ, ՔՊ կուսակցության քաղաքապետ». Իզաբելլա Աբգարյան
«Եթե Երևանի քաղաքապետ նշանակվի Հրաչյա Սարգսյանը, նա ինձ համար լինելու է ոչ լեգիտիմ քաղաքապետ: Բնականաբար, որևէ ցանկություն չունեմ իր հետ աշխատել: Ես երբեք նրան չեմ ճանաչի՝ որպես Երևան քաղաքի քաղաքապետ: Տեսնելիս միշտ ասելու եմ՝ բարև ձեզ, ՔՊ կուսակցության քաղաքապետ»,- լրագրողների հետ զրույցում ասաց ավագանու անդամ Իզաբելլա Աբգարյանը:
Հիշեցնենք՝ Երևանի ավագանին այսօր՝ դեկտեմբերի 22-ին, արտահերթ նիստ է հրավիրել, որի օրակարգում միայն մեկ հարց է՝ «Երևանի քաղաքապետ Հայկ Մարությանին անվստահություն հայտնելու մասին» Երևան քաղաքի ավագանու որոշման նախագիծը: Նախագծով առաջարկվում է Երևանի քաղաքապետ ընտրել փոխքաղաքապետ Հրաչյա Սարգսյանին:
