«Մեզ Շառլ դը Գոլ ա պետք. Նիկոլ Փաշինյանը կլասիկ պոպուլիստ է, աղետը շարունակվում ա». Մարինե Պետրոսյան
«Պրեսսինգ» հաղորդաշարում Սաթիկ Սեյրանյանի հյուրը բանաստեղծ Մարինե Պետրոսյանն է: Բանախոսը նշել է.
- Նիկոլ Փաշինյանը կլասիկ պոպուլիստ է, համաշխարհային չափանիշներով՝ միջինից բարձր:
- Սերժ Սարգսյանը չէր կարողանում ժողովրդի հետ խոսել, որովհետև պոպուլիստ չէր: Նիկոլը ասում էր բան, որ ժողովրդին դուր էր գալիս, մարդիկ հավատում էին:
- 90-ականներին մարդիկ հեքիաթային պատկերացումներ ունեին, գնում էին Ամերիկա, տեսնում այնտեղի կյանքը, կարծում էին, եթե Սովետը փուլ գա՝ այստեղ էլ հեքիաթ կլինի: Բայց Սովետմիության փլուզումից 1-2 տարի հետո մարդիկ հայտնվեցին աղքատության շեմին: Սովետական Միությունում սոված մարդ չկար, չկար սոցիալական խնդիր, և մարդիկ պատրաստ չէին դրան, ու նրանց համար շոկ էր:
- Թալանը, թալանչիները եղել ա մեր քաղաքական դիսկուրսի առանցքը:
Եթե մարդկանց մեծ մասի համար սոցիալականն ավելի կարևոր ա, քան Արցախի հարցը, դա ա կարևոր հասկանալ, մարդ արարածը էդպես ա…:
- Մարդկանց հետ շատ եմ շփվել, զրուցել և հասկացել եմ, որ ինչ-որ բան փոխվել ա: Օրինակ, մեկն ասում ա՝ առաջ կադաստրում փող էին վերցնում, հիմա բացարձակ չեն ուզում: Բայց կարող ա վախի՞ց կաշառք չեն վերցնում:
- Մեկի խոսակցություն լսեցի, ասում ա՝ Քոչարյանի ժամանակ ունեցվածքը խլել էին, հիմա վերադարձրեցին դատարանով: Հավատում ա, որ արդարությունը վերականգնվել ա:
- Մարդը նախկիններին ատում ա, և դա մնացել ա: Մարդկանց մեջ ատելությունը շատ ա, որը գեներացվել ա 30 տարի, մինչև հիմա չի անցել, դրա համար շատ վատ վիճակում ենք, և քաղաքական դաշտում այլընտրանք չի ուրվագծվում:
- Հայաստանում կարողանալու խնդիր կա, Հայաստանը շոկի մեջ ա, կարողացողին ա պետք գտնել:
- Հին բաժանումները պետք է քանդել, պետք ա գտնել հասարակությանը միավորելու ձև, դա ա ելքը:
- Հայաստանի արժեհամակարգը պետք է լինի քաջ, համարձակ մարդու արժեհամակարգը, եթե մնանք նույն տեղում՝ բան չի փոխվի:
- Պետք ա գիծ գծենք ու առաջ գնանք, սկսենք նոր բան:
- Մենք պարտվել ենք ու հարմարվում ենք էդ պարտության հետ, պետք է փոխել էս իրավիճակը:
- Հայկական երազանքը Սովետական Միությունում աշխատեց, 21-րդ դարում չի աշխատի:
- Էլիտան էն խավն ա, որը ոչ թե սոցիալական, այլ պետության դիրքից, պետական շահի մասին ա մտածում:
- Խաղաղասիրական տրամադրությունների մեջ եղած Ֆրանսիան չկարողացավ հաղթել Հիտլերին: Մեզ Դը Գոլ ա պետք:
- Եթե իրանք պարզապես սրիկաներ լինեին՝ շատ հեշտ կլիներ իրանց դեմ պայքարելը, բայց ժողովրդի մի մասը իրանց հավատում ա… խնդիրը էդտեղ ա:
- Նիկոլը եթե հեռանա էլ՝ խնդիրները չեն լուծվում, նոր ծրագիր ա մեզ պետք:
- Աղետը շարունակվում ա, մեզ պոզիտիվ ծրագիր, նոր ուժ ա պետք ձևակերպել:
- Կհաղթի էն ընդդիմությունը, որը նոր ծրագրեր կներկայացնի:
- Եթե հիշենք՝ ովքեր են մեր հարևանները, ըստ այդմ կկառուցենք ուրիշ Հայաստան:
