Ռուսաստանում 11 ամսում գազի արդյունահանումն ավելացել է 10,6 տոկոսով
Ռուսաստանում գազի արդյունահանման ծավալը 2021 թվականի հունվար-նոյեմբեր ամիսներին 10,6 տոկոսով ավելացել է 2020 թվականի համապատասխան ժամանակաշրջանի համեմատությամբ եւ կազմել՝ 692,76 մլրդ խորանարդ մետր:
Այդ մասին վկայում է Վառելիքա-էներգետիկական համալիրների կենտրոնական կարգավարական վարչության (ՎԷՀ ԿԿՎ) օպերատիվ ամփոփագիրը: Նոյեմբերին ՌԴ-ում արտադրվել է 66,1 մլրդ խորանարդ մետր գազ (աճը՝ 4,6 տոկոս՝ անցյալ տարվա նույն ամսվա նկատմամբ): «Գազպրոմ»-ի տվյալները ՎԷՀ ԿԿՎ-ն առանձին չի հրապարակի:
Դրանք ներառված են որպես հաշվարկային «մյուս ընդերքօգտագործողների» արդյունահանման ծավալում, որոնք 2021 թվականի հունվար-նոյեմբերին արդյունահանել են 499,42 մլրդ խորանարդ մետր գազ (նոյեմբերին՝ 47,13 մլրդ խորանարդ մետր գազ): Գազի խոշորագույն անկախ ընկերությունը՝ ՆՈՎԱՏԷԿ-ը, ընթացիկ տարվա 11 ամսում արտադրել է 70,14 մլրդ խորանարդ մետր գազ (նոյեմբերին՝ 6,36 մլրդ խորանարդ մետր գազ): ՎԷՀ ԿԿՎ-ն առաջվա պես առանձին է հաշվառում «Բաշնեֆտ»-ի արդյունահանումը, չնայած այն բանին, որ 2016 թվականից ընկերությունը մտնում է «Ռոսնեֆտ»-ի մեջ, հաղորդելէ «Ինտերֆաքս»-ը:
