ԱՄՆ-ում կորոնավիրուսի հետևանքով զոհերի թիվը գերազանցել է 700.000-ը
Կորոնավիրուսի համավարակի պատճառով Միացյալ Նահանգներում գրանցված մահերի թիվը գերազանցել է 700 հազարը: Այս մասին տվյալները հայտնել է Ջոնս Հոփկինսի ինստիտուտը:
Տվյալ պահին ԱՄՆ-ում կա գրանցված կորոնավիրուսով վարակման ընդհանուր 43 մլն 615 հազար 149 դեպք, մահվան դեպքերը 700 հազար 258-ն են:
ԱՄՆ-ն ողջ աշխարհում կորոնավիրուսով վարակման դեպքերի առաջատարն է: Նրան հաջորդում են Հնդկաստանը՝ 33 մլն 766 հազար 707 դեպք և Բրազիլիան՝ 21 մլն 445 հազար 651 դեպք:
