Վրաստանի վարչապետը հանդիպել է Ադրբեջանի նախագահի հետ
Վրաստանի վարչապետ Իրակլի Ղարիբաշվիլին, ով պաշտոնական այցով գտնվում է Ադրբեջանում, հանդիպել է Ադրբեջանի նախագահ Իլհամ Ալիևի hետ: Այս մասին հայտնում են ադրբեջանական ԶԼՄ-ները:
Վրաստանի վարչապետը մասնակցելու է նաև երկու երկրների միջև տնտեսական համագործակցության միջկառավարական հանձնաժողովի նիստին:
Սպասվում է, որ նա կհանդիպի նաև Ադրբեջանի վարչապետի, խորհրդարանի նախագահի և այլ պաշտոնյաների հետ:
