Նշվել են կյանքի տևողությունը կրճատող սննդամթերքները
Աշխարհի ամենամեծ մասնավոր բժշկական և հետազոտական կենտրոններից մեկի՝ ամերիկյան ոչ կոմերցիոն Մեյո կլինիկայի սննդաբան, բժշկուհի Քեթրին Զերացկին Eat This, Not That պորտալի հետ զրույցում նշել է այն հինգ սննդամթերքները, որոնցից հրաժարումը կարող է երկարացնել կյանքի տևողությունը:
Սննդաբանը վստահ է, որ բարեկեցիկ և առողջ կյանք ունենալու համար պետք է հրաժարվել ուլտրապաստերիզացված սննդից, վերամշակված կարմիր մսից և կիսաֆաբրիկատներից, տապակած մթերքներից, շաքարավազից և չափից շատ ալկոհոլից:
Փորձագետը նշում է, որ նվազագույն վերամշակված սննդամթերքները, ինչպիսիք են կոնսերվացված բանջարեղենը և սառեցված միսը, սովորաբար պարունակում են ավելի շատ սննդարար նյութեր՝ վիտամիններ, հանքանյութեր, բուսական սննդանյութեր և մանրաթելեր:
Բարձր վերամշակված սննդամթերքները, ինչպես ֆաստ-ֆուդը կամ խանութներում վաճառվող հացը, պարունակում են հագեցած ճարպեր, շաքար և գործնականում ոչ մի մանրաթել:
Պատրաստեց Անի Գաբուզյանը
