Գեղարքունիքի մարզի Լանջաղբյուր գյուղում այրվել է մոտ 1000 հակ անասնակեր
Սեպտեմբերի 14-ին, ժամը 16:55-ին Գեղարքունիքի մարզային ճգնաժամային կառավարման կենտրոն ահազանգ է ստացվել, որ Լանջաղբյուր գյուղի Իլիկավանքի փողոցում այրվում է անասնակեր և անասնագոմ: Այս մասին հայտնում են ԱԻՆ-ից։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։
Պարզվել է, որ Իլիկավանքի փողոցի տներից մեկին կից այրվում է պահեստավորած անասնակեր։
Հրդեհը մեկուսացվել է ժամը 19:10-ին, մարվել՝ սեպտեմբերի 15-ին, ժամը 04:50-ին: Այրվել է մոտ 1000 հակ անասնակեր:
