Պելեն աջակցել է Մբապպեին
Լեգենդար բրազիլացի ֆուտբոլիստ Պելեն Ֆրանսիայի ազգային հավաքականի Եվրոպայի առաջնությունից աղմկահարույց կերպով հեռանալուց հետո աջակցել է անհաջողակ աստղային հարձակվող Կիլիան Մբապպեին:
Աշխարհի եռակի չեմպիոնն իր թվիթերյան էջում գրել է, որ Կիլիանը գլուխ կախելու կարիք չունի, քանի որ դեռ շատ հնարավորություններ կունենա մեծ հաղթանակների հասնելու համար, իսկ անհաջողությունները պատահում են բոլորի հետ:
Հիշեցնենք, որ շվեյցարացիների հետ 11-մետրանոց հարվածաշարում Մբապպեն չկարողացավ իրացնել վճռական 11-մետրանոցը: Ի վերջո, ֆրանսիացիները պարտվեցին և ավարտեցին իրենց ելույթը «հին աշխարհի» առաջնությունում:
Սիրարփի Աղաբաբյան
