Կեսարիայի «Սուլթանական եղեգնուտ» արգելոցը թռչունների դրախտավայր է
Թուրքիայի Կեսարիա նահանգում գտնվող Սուլթան Սազլըղը («Սուլթանական եղեգնուտ») ազգային այգին 2020 թվականին արգելոցի կարգավիճակ է ստացել։ Այս մասին տեղեկացնում է ermenihaber.am-ը։
Էրջիես լեռան լանջերին գտնվող արգելոցի անունը գալիս է օսմանյան սուլթան Մուրադ 4-րդի ժամանակներից։ 1636 թվականին Երևանի դեմ արշավող սուլթան Մուրադը 3 ամիս կանգ է առել այդ վայրում։ Տարածքը տարբեր ժամանակներում նաև եղել է օսմանյան սուլթանների որսատեղին։
Արգելոցն աչքի է ընկնում մարդու հասակից բարձր եղեգներով ու թռչունների մեծ բազմազանությամբ։ Կեսարիայից 75կմ հեռավորության վրա գտնվող շուրջ 40․000 հեկտար մակերեսով այդ վայրում թռչունների 301 տեսակ է ապրում։
Արգելոցին կից գործում է նաև «Թռչունների թանգարան», որտեղ ներկայացված են 40 տեսակ թռչունների կրկնօրինակ –արձանները։ Բացի այդ, զբոսաշրջիկներն այդտեղ հնարավորություն ունեն մանրամասն տեղեկություններ ստանալ թռչունների բոլոր տեսակների մասին։
