Եվրոպայի և Ամերիկայի առաջնություններն այս ամառ մի փոքր ստվերել են տրանսֆերային շուկան

Եվրոպայի և Ամերիկայի առաջնություններն այս ամառ մի փոքր ստվերել են տրանսֆերային շուկան, բայց հետաքրքիր նորություններ, այնուամենայնիվ, կան:

«Բարսելոնայի» հարձակվող Բրեյթվեյթը կարող է վերադառնալ Պրեմիեր լիգա

«Բարսելոնայի» հարձակվող Մարտին Բրեյթվեյթը կարող է վերադառնալ Պրեմիեր լիգա, հաղորդում է Sport.es-ը:

Աղբյուրի համաձայն՝ 30-ամյա դանիացու նկատմամբ հետաքրքրություն են ցուցաբերում «Վեսթ Հեմը», «Բարնլին», «Բրայթոնը» և «Նորվիչը»:

2020/21 մրցաշրջանում Բրեյթվեյթը «Բարսելոնայի» կազմում անցկացրել է 42 հանդիպում՝ դառնալով յոթ գոլի ու չորս գոլային փոխանցման հեղինակ: Transfermarkt.com պորտալը հարձակվողի արժեքը գնահատում է 9 միլիոն եվրո: Ֆուտբոլիստը նախկինում խաղացել է անգլիական «Միդլսբրոյի» կազմում:

Պաուլինյոն ասում է, որ պատրաստ է վերադառնալ «Բարսելոնա»

Կիսապաշտպան Պաուլինյոն ասել է, որ պատրաստ է վերադառնալ «Բարսելոնա»:

«Ես շատ լավ գիտեմ «Բարսելոնան»: Ես շատ լավ ժամանակ անցկացրի այս ակումբում, մենք նվաճեցինք Չեմպիոնների լիգան ու Իսպանիայի գավաթը: Եթե ​​ես մեկ այլ հնարավորություն ունենամ, ես սիրով կվերադառնամ թիմ: Գումարը կամ պայմանագրի տևողությունը խնդիր չէ, երբ «Բարսելոնան» զանգահարում է քեզ: Ես դա արդեն ցույց տվեցի, երբ «Գուանչժոյից» հեռացա աշխատավարձով, որը շատ ավելի ցածր էր, քան Չինաստանում»,-Պաուլինյոյի խոսքը մեջբերում է Mundo Deportivo-ն:

Պաուլինյոն «Բարսելոնայում» խաղացել է 2017 թվականի ի օգոստոսից 2019-ի հունվար:

«Արսենալը» կարող է վաճառել Սալիբային այս ամառ

Ուիլյամ Սալիբան, հնարավոր է, լքի  «Արսենալը» այս ամառ:

Աղբյուրի համաձայն, լոնդոնյան ակումբը կարող է բաժանվել ֆրանսիացի 20-ամյա կենտրոնական պաշտպանից, քանի որ «զինագործների» գլխավոր մարզիչ Միկել Արտետան ցանկանում է «Բրայթոնից» ձեռք բերել Բեն Ուայթին:

«Բավարիան» ձեռնամուխ է եղել պորտուգալացի աստղի վերադարձին

Կիսապաշտպան Ռենատո Սանչեսը կարող է վերադառնալ Մյունխենի «Բավարիա»՝ 21 միլիոն ֆունտով «Լիլ» տեղափոխվելուց երկու տարի անց:

Լրագրող Ռուդի Գալետտիի խոսքով, ակումբների միջև համաձայնագիրը նախատեսում է հրաժարագին: Հաղորդվում է, որ գինը սահմանվում է մոտ 25 միլիոն ֆունտ:

Երկու տարվա ընթացքում Ռենատոն անցկացրեց 42 հանդիպում Լիգա 1-ում՝ խփելով չորս գոլ ու անելով չորս գոլային փոխանցում՝ դառնալով Ֆրանսիայի չեմպիոն անցած մրցաշրջանում:

Հիշեցնենք, որ Սանչեսը տեղափոխվեց «Բավարիա»՝ Եվրո-2016-ը հաղթելուց և մրցաշարի լավագույն երիտասարդ խաղացողի մրցանակը ստանալուց հետո: Միևնույն ժամանակ, նա երբեք չկարողացավ տեղ ձեռք բերել գերմանական գրանդի կազմում:

«Լիվերպուլը» բանակցություններ սկսեց ՊՍՎ-ի հետ

«Լիվերպուլը» սկսել է բանակցությունները ՊՍՎ-ի հետ հարձակվող Դանիելա Մալենայի տրանսֆերի հարցով:

Ինչպես հայտնում է Sky Sports-ը, «կարմիրների» ներկայացուցիչները կապվել են «գյուղացիների» հետ՝ քննարկելու 22-ամյա հոլանդացի հարձակվողի հավանական տեղափոխությունը:

Հարկ է հիշեցնել, որ անցած մրցաշրջանում «Էրեդիվիզիեի» 32 խաղում Մալենան խփեց 19 գոլ և ութ գոլային փոխանցում կատարեց: Ֆուտբոլիստի տրանսֆերը գնահատվում է 30-40 միլիոն եվրո:

«Լիվերպուլը» հետաքրքրություն է ցուցաբերում Կոմանի նկատմամբ: «Բավարիան» ցանկանում է երկարաձգել պայմանագիրը ֆուտբոլիստի հետ

«Բավարիայի» կիսապաշտպան Քինգսլի Կոմանը հետաքրքիր է «Լիվերպուլի» համար: Այս մասին Twitter-ում հայտնում է լրագրող Ֆլորիան Պլետենբերգը:

25-ամյա ֆրանսիացու պայմանագրի ժամկետը լրանում է 2023 թվականի ամռանը, իսկ ղեկավարությունը՝ գլխավոր մարզիչ Յուլիան Նագելսմանի հետ միասին, ցանկանում են այն երկարաձգել: Մինչ այդ, «Լիվերպուլի» ներկայացուցիչներն արդեն կապվել են ֆուտբոլիստի գործակալների հետ: Նշվում է, որ Կոմանի հայրը ցանկանում է, որ իր որդին ելույթ ունենա Անգլիայում:

Անցած մրցաշրջանում Քինգսլի Կոմանը Բունդեսլիգայի 29 հանդիպում է անցկացրել՝ դառնալով 5 գոլի և 10 գոլային փոխանցման հեղինակ:

«Միլանը» գրեթե համաձայնության է եկել «Մանչեսթեր Յունայթեդի» հետ` Դալոտին վարձակալելու հարցում

«Միլանը» մոտ է «Մանչեսթեր Յունայթեդի» հետ համաձայնեցնել պաշտպան Դիոգո Դալոտի պայմանագիրը:

22-ամյա պորտուգալացին 2020/21 մրցաշրջանը վարձավճարով անցկացրել է «Միլանում», որտեղ նա լավ է հանդես եկել՝ որպես աջ եզրում Դավիդե Կալաբրիային փոխարինող: Sky Sport Italia-ն հայտնում է, որ երկու ակումբները մոտ են համաձայնության գալուն, որի արդյունքում Դալոտն այս ամառ կվերադառնա նորաձևության մայրաքաղաք: Ըստ աղբյուրի՝ դա կլինի վարձակալություն՝ հետագա գնման տարբերակով:

Անցած մրցաշրջանում Դալոտը Ա Սերիայում անցկացրել է 21 խաղ՝ դառնալով 1 գոլի և 1 գոլային փոխանցման հեղինակ:

«Ինտերը» ցանկանում է Բելերինին վարձակալել «Արսենալից»` գնման տարբերակով

«Արսենալի» պաշտպան Հեկտոր Բելերինը կարող է կարիերան շարունակել Իտալիայում: «Ինտերը» հետաքրքրված է ֆուտբոլիստի ծառայություններով։ Թիմը փոխարինող է փնտրում Աշտրաֆ Հաքիմիին: Հայտնում է լրագրող Ջանլուկա Դի Մարցիոն:

Ներաձուրիների ղեկավարությունը քննարկում է խաղացողի վարձակալության և հետագա գնման տարբերակը: Ակումբում կարծում են, որ Բելերինը կարող է փոխարինել Հաքիմիին, որը պետք է գնա ՊՍԺ:

«Ինտերի» ղեկավարությունն արդեն կապվել է իսպանացու ներկայացուցիչների հետ և սկսել բանակցությունները: «Արսենալը» Բելերինին գնահատում է 20 միլիոն եվրո: Եթե ​​լոնդոնցիների հետ համաձայնությունը ձախողվի, ապա ներաձուրիները կարող են անցնել «Չելսիի» պաշտպան Դավիդե Զապակոստային:

«Բարսելոնան» կարող է վաճառել Գրիզմանին` տնտեսական իրավիճակը բարելավելու համար

«Բարսելոնայի» ֆրանսիացի հարձակվող Անտուան ​​Գրիզմանը կարող է հեռանալ ակումբից ամառային տրանսֆերային պատուհանի ընթացքում: Կատալոնական ակումբի ղեկավարությունն այս կերպ ցանկանում է մի քանի միլիոն եվրո խնայել:

Թիմի ղեկավարությունը վստահ չէ, որ հաջորդ մրցաշրջանում խաղացողը կօգնի ակումբին, այս առումով ակումբը պատրաստ է դիտարկել Ֆրանսիայի ազգային հավաքականում աշխարհի չեմպիոնի կարիերան շարունակելու տարբեր տարբերակներ:

Վաճառելով Գրիզմանին՝ «Բարսելոնան» ցանկանում է լուծել տնտեսական խնդիրները, որոնց հետ ակումբը բախվել է վերջերս: Այս դեպքում գնորդը ստիպված կլինի լուրջ գումար վճարել այն խաղացողի համար, որը ժամանակին գնվել էր 120 միլիոն եվրոյով:

Անցած մրցաշրջանում 30-ամյա Գրիզմանը անցկացրել է 51 հանդիպում, որոնցում դարձել է 20 գոլի և 12 գոլային փոխանցման հեղինակ: Transfermarkt պորտալը ֆուտբոլիստի տրանսֆերային արժեքը գնահատում է 60 միլիոն եվրո:

Անչելոտին ցանկանում է Դալոտին ձեռք բերել «Ռեալում»

Կառլո Անչելոտին ցանկանում է «Ռեալ» բերել «Մանչեսթեր Յունայթեդի» պաշտպան Դիոգո Դալոտին, հաղորդում է Correio da Manha-ն:

Աղբյուրի համաձայն, «սերուցքայինների» նոր մարզիչը ցանկանում է ուժեղացնել աջ պաշտպանի դիրքը՝ նոր մրցաշրջանի նախաշեմին ձեռք բերելով 22-ամյա պորտուգալացուն։

Նախորդ մրցաշրջանում Դիոգոն վարձավճարով խաղում էր «Միլանում»: Նրա պայմանագիրը «Մանչեսթեր Յունայթեդի» հետ ուժի մեջ է ևս երկու տարի:

Ավելի վաղ հաղորդվում էր, որ Դալոտը ցանկանում է ևս մեկ մրցաշրջան մնալ «Միլանում»:

Սիրարփի Աղաբաբյան