Քաշաթաղում (Լաչին) ճանապարհատրանսպորտային պատահարի հետևանքով 2 ադրբեջանցի զինծառայող է մահացել
Այսօր Բաքվի վերահսկողության տակ անցած Քաշաթաղի շրջանի (Լաչին) տարածքում ճանապարհատրանսպորտային պատահարի հետևանքով 2 ադրբեջանցի զինծառայող է մահացել, հաղորդում է minval.az-ը։
Նշվում է՝ ադրբեջանական բանակի զինծառայողները մահացել են «Կամազ» մակնիշի ռազմական բեռնատարի մասնակցությամբ տեղի ունեցած վթարի հետևանքով։
Նշվում է նաև, որ փաստի առթիվ հարուցվել է քրեական գործ, կատարվում է հետաքննություն:
