
45-59 տարեկան ռուսաստանցիների մեկ երրորդը դժգոհ է իր կյանքից

45-59 տարեկան ռուսաստանցիների մեկ երրորդը դժգոհ է իր կյանքից: Այդ մասին վկայում են Հասարակական կարծիքի ուսումնասիրման համառուսաստանյան կենտրոնի (ՀԿՈւՀԿ) տվյալները, որոնք հունիսի 24-ին ստացել է «Ինտերֆաքս» գործակալությունը։
Ընդհանուր առմամբ, հետազոտության համաձայն, իր կյանքը որպես վատ է գնահատում ռուսաստանցիների 28 տոկոսը: Իրենց կյանքն ավելի հազվադեպ են վատ համարում 28-24 տարեկան ռուսաստանցիները՝ այդ տարիքային կատեգորիայի միայն յուրաքանչյուր հինգերորդ քաղաքացին (20 տոկոսը):
Դրա հետ մեկտեղ համաքաղաքացիների երկու երրորդը (68 տոկոսը) գոհ է իր կյանքից, ամենից շատ իրենց կյանքից գոհ են մինչեւ 24 տարեկան երիտասարդները (78 տոկոսը), նշում են ՀԿՈւՀԿ-ում: Ուսումնասիրության տվյալներով՝ դժվարանում է իր կյանքի գնահատականը տալ ռուսաստանցիների 4 տոկոսը: Համառուսաստանյան հարցումն անցկացվել է 2021 թվականի հունիսին 18-ից ավելի բարձր տարիքի 1600 քաղաքացիների շրջանում: