Չերչիլի նկարն աճուրդում վաճառվել է 1.8 միլիոն դոլարով
Մեծ Բրիտանիայի նախկին վարչապետ Ուինսթոն Չերչիլի նկարը վաճառվել է Նյու Յորքի աճուրդում: Կտավը մուրճի հարվածով վաճառվել է 1.8 միլիոն դոլարով, ասվում է Phillips աճուրդի տան կայքում:
76х63.3 սմ չափսերով կտավը Չերչիլը նկարել է յուղաներկով, 1921 թվականին: Այն պատկերում է անտառ անգլիական փոքրիկ քաղաքի մոտակայքում:
Ինչպես հայտնի է, Չերչիլը հետաքրքրվել է նկարչությամբ հասուն տարիքում և հասցրել է ստեղծել ավելի քան 500 կտավ: Ստեղծագործությունների մեծ մասը գտնվում են մասնավոր հավաքածուներում կամ պատկանում են նրա սերունդներին:
Պատրաստեց Անի Գաբուզյանը
