Բլինկենը հայտարարել է, որ ԱՄՆ-ն առայժմ Իսրայելի և Պաղեստինի միջև խաղաղ բանակցությունների գործընթացը վերականգնելու փորձեր չի ձեռնարկում
ԱՄՆ-ն ներկայում Իսրայելի և Պաղեստինի միջև խաղաղ բանակցությունների գործընթացը վերականգնելու փորձեր չի ձեռնարկում։ Այս մասին ԱՄՆ պետքարտուղար Էնթոնի Բլինկենը հայտարարել է Le Journal du Dimanche պարբերականին տված հարցազրույցում, փոխանցում է ՏԱՍՍ-ը։
Հարցին, թե արդյոք ԱՄՆ-ն մտադիր է Իսրայելի և Պաղեստինի միջև խաղաղ գործընթացը վերսկսելու համար քայլեր ձեռնարկել, Բլինկենը բացասական պատասխան է տվել։
«Այդ մասին հիմա խոսք չկա։ Ֆրանսիան և ԱՄՆ-ն իրենց ազդեցությունն օգտագործել են Գազայի վերջին ճգնաժամը կանգնեցնելու համար։ Հումանիտար օգնության տրամադրումն ու Գազայի հատվածի վերականգնման հարցը մեզ համար գերակա խնդիր է»,- հայտնել է նա։
Նրա խոսքով՝ թեև ԱՄՆ-ն վերականգնել է կապերը Պաղեստինի հետ, «անհրաժեշտ է սպասել և համոզվել, որ ստեղծվել են ավելի դրական պայմաններ, որոնք թույլ կտան վերսկսել երկու պետությունների ստեղծման ճանապարհով պաղեստինա-իսրայելական հակամարտության լուծման շուրջ բանակցությունները»։
