Իտալիա-Ավստրիա․ սպասե՞լ ֆավորիտների հեշտ հաղթանակին
Խմբային երեք խաղերում էլ Իտալիան չոր հաղթանակ տարավ, կկարողանա՞ն Մանչինիի սաներն առանց խնդիրների հաղթել նաև Ավստրիային։
Իտալիա
Մասնագետներն Իտալիան, անկասկած, համարում էին Եվրո-2020-ում հաղթանակի գլխավոր հավակնորդներից մեկը։ Ռոբերտո Մանչինիի թիմը հաղթում էր իր մրցակիցներին ամբողջ տարվա ընթացքում: Խմբի բացման հանդիպումը նույնպես բացառություն չէր: «Օլիմպիկոյում» իտալացիները երկար ժամանակ փնտրում էին Թուրքիայի դարպասի բանալին, բայց ի վերջո գտան այն երկրորդ խաղակեսում՝ երեք գնդակ ուղարկելով մրցակցի դարպասը:
Երկրորդ փուլում էլ Շվեյցարիան խնդիր չդարձավ: Այս խաղում հաղթելը կերաշխավորեր իտալացիների խմբում առաջին տեղը։ Թիմը մոտիվացվեց և առավելությունը վերածեց խոշոր հաղթանակի: Երեք գնդակ ուղարկվեց Յան Սոմմերի դարպասը, իսկ Սկուադրա Ացուրան կրկին անխախտ թողեց իրենց դարպասը:
Երրորդ խաղում Ռոբերտո Մանչինին իրեն թույլ տվեց լայնածավալ ռոտացիա իրականացնել, բայց թիմը չկորցրեց մոտիվացիան: Իտալիայի հավաքականը Մատեո Պեսինայի գոլի շնորհիվ 1:0 հաշվով հաղթեց Ուելսին: Հերթական չոր հաղթանակն իտալացիներին թույլ տվեց մրցաշարի ռեկորդ սահմանել՝ նրանցից բացի, ոչ մեկին նախկինում չէր հաջողվել երեք չոր հաղթանակ տոնել Եվրոպայի առաջնություններում:
Ավստրիա
Ավստրիայի հավաքականն ամենադժվար խմբում չէր: Ֆրանկո Ֆոդայի թիմը Նիդեռլանդների, Ուկրաինայի և Հյուսիսային Մակեդոնիայի հետ խմբում ակնհայտորեն չէր համարվում աութսայդեր, ինչն արդեն հաստատվեց մեկնարկային խաղում: Հյուսիսային Մակեդոնիայի դեմ խաղում մրցակիցը նյարդայնացրեց ավստրիացիներին, բայց վերջում նրանք հասան 3:1 հաշվով հաղթանակի, ինչը զգալիորեն մեծացրեց փլեյ-օֆֆի նրանց հնարավորությունները:
Երկրորդ տուրում Հոլանդիայի հետ խաղում թիմը չկարողացավ պայքարել։ Պաշտպանությունում սխալները հանգեցին երկու բաց թողած գնդակի, իսկ ավստրիացիները չկարողացան առջևում ինչ-որ բան ստեղծել: Որոշիչ հանդիպումը վերջին տուրի Ուկրաինայի հետ խաղն էր, որտեղ անհրաժեշտ էր, համենայն դեպս, չպարտվել: Ավստրիացիները գերազանցեցին առաջադրանքը. Քրիստոֆ Բաումգարտների գոլի շնորհիվ Ավստրիան հաղթեց 1:0 հաշվով և խմբում զբաղեցրեց երկրորդ տեղը:
Իտալիայի հավաքականը շատ հզոր է մրցաշարում՝ գրանցելով ռեկորդ: Ակնհայտ է, որ այս հանդիպմանն իտալացիներն անվիճելի ֆավորիտներ են։ Նրանք գերազանցում են մրցակցին՝ ինչպես ֆուտբոլի որակով, այնպես էլ՝ անհատապես: Ավստրիան բավականին հաճախ ձախողվում է պաշտպանությունում, ուստի դժվար թե հիանալի մարզավիճակ ձեռք բերած Իտալիան վստահ հաղթանակի հետ խնդիրներ ունենա:
Խաղը տեղի կունենա այսօր՝ 23։00-ին։
Սիրարփի Աղաբաբյան
