Որտեղ է ապրում Իլոն Մասկը․ նա վաճառել է իր ողջ գույքը և տեղափոխվել ապրելու 50.000 դոլար արժողությամբ տնակում
Ամերիկացի մուլտիմիլիարդեր Իլոն Մասկը վաճառել է իր անշարժ գույքը և տեղափոխվել իր SpaceX ավիատիեզերական ընկերության տարածքում գտնվող և 50 հազար ԱՄՆ դոլար արժեցող տնակում ապրելու: Այս մասին Մասկը հայտնել է «Թվիթեր»-ի իր էջում:
Մասկի նոր տնակի տարածքն ընդամենը 37 քառակուսի մետր է: Ձեռնարկատերն այն անվանել է իր հիմնական ու միակ տունը:
Ավելի վաղ Tesla, SpaceX, Boring ընկերությունների հիմնադիր և ղեկավար Իլոն Մասկը տեղեկացրել էր, որ մտադիր է վաճառել ԱՄՆ-ում իրեն պատկանող վերջին տունը, որը վարձակալության էր տալիս:
Նա իր տները սկսել էր վաճառել 2020 թվականի մայիսից: Մասկը հայտնել էր, որ իր ակտիվում է թողնելու միայն ընկերությունների ակցիաները, իսկ մնացած ողջ կարողությունը վաճառելու է:
