«Միամիտ լոռեցի եմ, ուզում եմ իմանամ՝ ինչո՞ւ են Ադրբեջանում ոգևորվել ընտրության արդյունքներով». Էդուարդ Շարմազանով
Էդուարդ Շարմազանովն իր ֆեյսբուքյան էջում գրել է․ «Նոյեմբերի 9-ից այս կողմ իմ քաղաքական գնահատականները մնում են անփոփոխ։
Կապիտուլյանտները ձախողեցին ամեն բան, բերեցին պատերազմ, ստորագրեցին նվաստացուցիչ կապիտուլյացիոն հայտարարություն, պարտության սիմվոլ դարձան եւ Հայաստանը դարձրին աշխարհաքաղաքական մանրադրամ։
Եթե նույնիսկ նրանք ստանային 3 մլն ձայն, միեւնույնն է՝ նրանք համազգային աղետի,խայտառակության ու կապիտուլյացիայի խորհրդանիշ են։
Իսկ «պողպատե հաղթանակ» տոնողներին ասեմ, որ հազար ընտրություն էլ «հաղթեք» մեկ է ՝ պատմության մեջ կմնաք Հայաստանի նորագույն շրջանի միակ պարտված եւ հողատու կառավարություն։
Հ.Գ. Միամիտ լոռեցի եմ, ուզում եմ իմանամ՝ ինչո՞ւ են Ադրբեջանում ոգեւորվել ընտրության արդյունքներով»։
