Լիսինյան փողոցում կնոջ են կողոպտել
Մայիսի 26-ին Էրեբունի վարչական տարածքում կողոպուտ էր կատարվել: Առավոտյան Լիսինյան փողոցի տներից մեկի մոտ մի կնոջ պարանոցից պոկել էին ոսկե շղթան և դիմել փախուստի։
Դեպքից րոպեներ անց ոստիկանության Էրեբունու բաժնում օպերատիվ կառավարման կենտրոնից ահազանգ ստացվեց: Հերթապահ խումբը մեկնեց Լիսինյան փողոց:
Ոստիկանները զրուցեցին տուժողի հետ, ըստ նրա` կողոպտողը գանգրահեր էր, կանաչ տաբատով, իսկ դեմքը չէր հասցրել տեսնել։
Փաստի առթիվ հարուցվեց քրեական գործ։ Բացահայտման ուղղությամբ հետախուզական միջոցառումներ սկսվեցին։ Բաժնի քրեական հետախույզները, համագործակցելով Նուբարաշենի բաժանմունքի ծառայողների հետ, տեղեկություններ ստացան, որ կողոպուտը կատարել է Որմնադիրների փողոցի 30-ամյա մի բնակիչ։
Հունիսի 17-ին նա բերման ենթարկվեց ոստիկանության Էրեբունու բաժին։
Կասկածվողը տվել է խոստովանական ցուցմունք։
Հանգամանքները պարզվում են։
Ձեռնարկվում են միջոցառումներ՝ ոսկյա շղթան հայտնաբերելու ուղղությամբ:
Քննությունը շարունակվում է։
