Մոսկվայում ընթացող անվտանգային միջազգային համաժողովին ՀՀ-ն չի մասնակցի
Մոսկվայում հունիսի 22-24-ն անցկացվելու է անվտանգային հարցերով միջազգային համաժողով: ՌԴ-ի պաշտպանական գերատեսչության կազմակերպած անվտանգային միջոցառման ընթացքում քննարկվելու են գլոբալ և տարածաշրջանային անվտանգության հետ կապված հարցեր:
Ադրբեջանը համաժողովին մասնակցելու է պաշտպանության փոխնախարար Քերիմ Վելիևի մակարդակով, ով դեռ երեկ՝ հունիսի 21-ին է մեկնել Մոսկվա:
ՊՆ-ից 168.am-ին հայտնեցին, որ Հայաստանը Մոսկվայում անցկացվող անվտանգային միջազգային համաժողովին չի մասնակցելու՝ ընտրական գործընթացով պայմանավորված:
