«Բացառապես քաղաքական երանգներ ունեցող հետապնդում է, իրավաբանության հետ որևէ աղերս չունի». Էրիկ Ալեքսանյանը՝ պրոֆեսոր Չարչյանին կալանավորելու միջնորդության մասին
Նախաքննական մարմինը պրոֆեսոր Չարչյանին կալանավորելու միջնորդություն է ներկայացրել:
«Քիչ առաջ տրամադրվեց կալանքի միջնորդությունը: Դրանում նշվում է, որ պարոն Չարչյանը, մնալով ազատության մեջ, կթաքնվի ու կխոչընդոտի քննությանը, բայց այդ փաստարկները որևէ հիմք չունեն»,- ՀՔԾ-ից դուրս գալուց հետո ասաց «Հայաստան» դաշինքի պատգամավորության թեկնածու Արմեն Չարչյանի պաշտպան Էրիկ Ալեքսանյանը:
Հիշեցնենք, որ քիչ առաջ տեղեկացրել էինք, որ Արմեն Չարչյանին հրավիրել են ՀՔԾ՝ մեղադրանք առաջադրելու և խափանման միջոցի հարցը քննարկելու:
Պաշտպանը տրամաբանությունից զուրկ դատողություն համարեց ՀՔԾ-ի միջնորդության հիմքերը:
«Բացառապես քաղաքական երանգներ ունեցող հետապնդում է, իրավաբանության հետ որևէ աղերս չունի»,- եզրափակեց Էրիկ Ալեքսանյանը:
Մանրամասները՝ տեսանյութում
