Պոգբան բանակցություններ է սկսել ՊՍԺ-ի հետ
Կիսապաշտպան Պոլ Պոգբան չի ցանկանում նոր պայմանագիր ստորագրել «Մանչեսթեր Յունայթեդի» հետ: Ըստ RMC Sport-ի, ֆրանսիացի ֆուտբոլիստի գործակալ Մինո Ռայոլան նախնական բանակցություններ է սկսել ՊՍԺ-ի հետ հնարավոր տրանսֆերի վերաբերյալ: Մի քանի օր առաջ Ռայոլան Նիցցայում հանդիպեց փարիզյան գրանդի նախագահ Նասեր Ալ-Հելաիֆիի հետ:
Պոլ Պոգբայի գործող պայմանագիրը «Մանչեսթեր Յունայթեդի» հետ գործում է մինչև 2022 թվականի հունիսի վերջ: Մանկունյացիներն ակնկալում են ֆրանսիացուն համոզել երկարաձգել աշխատանքային պայմանագիրը կամ ամառային տրանսֆերային պատուհանում նրան վաճառել 80 միլիոն եվրոյով:
2020/2021 մրցաշրջանի 42 խաղում Պոլ Պոգբան դարձել է 6 գոլի և 9 գոլային փոխանցման հեղինակ:
Սիրարփի Աղաբաբյան
