«Հայ ֆիդայի». Շպրոտը նոր տեսահոլովակ է թողարկել
Տևական ժամանակ ԱՄՆ-ում ապրող և ստեղծագործող երգչուհի Անի Թովմասյանը, որին հանրության լայն շրջանակը ճանաչում է Շպրոտ բեմական անվամբ, երկրպագուների դատին է հանձնել «Հայ ֆիդայի» երգի հոլովակը: Այն արդեն համացանցում է:
Երգչուհին հոլովակին կից գրել է, որ այն շատ հատուկ է իր համար, քանի որ այդտեղ և՛ Անին է, և՛ Շպրոտը։ «Այստեղ իմ հոր պատմությունն է, նրա զենքի լեգենդը։ Պա՛պ ջան, հուսամ՝ երկնքից հետևում ես ինձ ու հպարտ ես ինձնով, որովհետև ես հպարտ եմ քեզնով»,- գրել է Շպրոտը:
